ලංකා දුම්කොළ සමාගම (CTC)
Contents
පසුබිම
ලංකා දුම්කොළ සමාගම (CTC) ශ්රී ලංකාවේ සිගරට් නිෂ්පාදනය සහ අලෙවිකරණ ඒකාධිකාරය දරයි. 2021 දෙසැම්බර් 31 දින වන විට 84.13% ක කොටස් බ්‍රිතාන්‍ය ඇමරිකානු දුම්කොළ සමාගම (BAT) සතුය.[1] 1904-1911 කාල පරිච්ජේදය තුළ ශ්රී ලංකාව තුළ ක්‍රියාත්මකවීම ආරම්භවුවත් සමාගමක් ලෙස සිය මෙහෙයුම් ආරම්භ කරන ලද්දේ 1932 දීය.[2][3]
ලංකා දුම්කොළ සමාගම (CTC) දුම්කොළ වගාවේ සිට සිගරට් නිෂ්පාදනය දක්වා පූර්ණ නිෂ්පාදන ක්‍රියාවලියක නිරත වේ.[4] ශ්රී ලංකාවේ සිල්ලර ආනයනික සිගරට් ප්‍රමාණය 1% කි. එබැවින් ශ්රී ලංකාවේ සිල්ලර වෙළඳපොලේ විකිණෙන සිගරට් 99% ක් ලංකා දුම්කොළ සමාගම ට අයත් වේ.[5] ශ්රී ලංකාව සිගරට් නිෂ්පාදනය සඳහා භාවිතා කරන දුම්කොළවලින් 100% ක් ම රටතුළ වගා කරයි. එය 2021 දී දුම්කොළ ටොන් 1602.1 ක් පමණ විය.[1] ලංකා දුම්කොළ සමාගමේ සමස්ත වාර්ෂික ආදායමෙන් 1% ක පමණ දායකත්වයක් සිගරට් අපනයනය මගින් සපයයි. නිෂ්පාදන මෙහෙයුම් කර්මාන්තශාලා දෙකක් මගින් සිදුකෙරේ. ඒවා නම් කොළඹ කර්මාන්ත ශාලාව හා මහනුවර හරිත දුම්කොළ තෙරපීමේ මධ්‍යස්ථානය වේ.[1]
ලංකා දුම්කොළ සමාගම (CTC) හි සිගරට් වෙළඳ නාමයන් ලෙස ජෝන් ප්ලේයර් ගෝල්ඩ් ලීෆ් (JPGL), ඩන්හිල්, බෙන්සන් සහ හෙජස් සහ කැප්ස්ටන්, ජෝන් ප්ලේයර් නේවි කට්, ජෝන් ප්ලේයර් ගෝල්ඩ්, ස්ටේට් එක්ස්ප්රස් 555 හා ෂුවාංසි ඉන්ටර්නැෂනල් දැක්විය හැකිය.[6]
අතීත හා වර්තමාන අධ්‍යක්ෂකවරුන් සහ සේවකයින්
ලංකා දුම්කොළ සමාගම, අධ්‍යක්ෂක මණ්ඩලයක් සහ විධායක කමිටුවක් මගින් පාලනය කරනු ලබයි. 2022 දී සභාපතිවරයාගේ සභාපතිත්වයෙන් අධ්‍යක්ෂක මණ්ඩලය සාමාජිකයින් 8 කින් සමන්විත වූ අතර ඉන් 6 ක් විධායක නොවන අධ්‍යක්ෂකවරු විය. ප්‍රධාන විධායක නිලධාරියාගේ ප්‍රධානත්වයෙන් යුත් විධායක කමිටුවක්ද ඇති අතර එය සාමාජිකයක් 5 දෙනෙකුගෙන් යුක්ත වේ.[1] 2022 පෙබරවාරි 1 වන දින සිට CTC හි සභාපතිවරයා ලෙස සුරේෂ් කුමාර් ෂා සහ 2021 දෙසැම්බර් 1 වන දින සිට ප්‍රධාන විධායක නිලධාරි/කළමනාකාර අධ්‍යක්ෂ ලෙස මොනිෂා ඒබ්‍රහම්] පත් කරන ලදී.[7] [8] CTC ලංකා දුම්කොළ සමාගම හි අධ්‍යක්ෂක මණ්ඩලය සහ විධායක කමිටු සාමාජිකයන් CTC වෙබ් අඩවියෙන් සොයාගත හැකිය. 2020 වන විට ලංකා දුම්කොළ සමාගමහි ස්ථීර සේවකයන් සංඛ්‍යාව 269 ක් වූ අතර එයින් 16.7% (N=45) කාන්තාවන් ලෙස වාර්තා විය.[1]
පහත දැක්වෙන CTC සේවකයින් හා අධ්‍යක්ෂකවරුන්ගේ තොරතුරු TobaccoUnmasked පිටු තුල සොයාගත හැකිය.
එමා රිඩ්ලි | දිනේෂ් වීරක්කොඩි | ඩෙනිස් පෙරේරා | කෙන් බාලේන්ද්‍ර | ලක්මාලි නානායක්කාර | මයිකල් කොස්ට් | රමේෂ් නානායක්කාර | රුක්ෂාන් ගුණතිලක | ස්ටැන්ලි වනිගසේකර | සුසන්ත රත්නායක | මොනිෂා ඒබ්‍රහම්
අනුබද්ධිත ආයතන
2017 දක්වා වන කාලය තුළ ලංකා දුම්කොළ සමාගමට පහත සඳහන් අනුබද්ධ ආයතන සතු විය.
- ඇඩ්වෙන්ට් ඉන්ටර්නැෂනල්
- CTC Briquettes Limited
- සී.ටී.සී. ඊගල්
- CTC Exports Limited
- CTC Foliage Limited
- CTC Leaf Exports Limited
- Outreach Projects (Guarantee) Limited
- CTC Services Limited
2022 ජූලි වන විට, Outreach Projects (Guarantee) Limited, CTC සතු එකම අනුබද්ධිත ආයතනය විය.
ආයෝජකයින්
2021 දෙසැම්බර් 31 වැනි දින වන විට CTC හි කොටස් හිමියන් සංඛ්‍යාව 4,440 ක් විය. එය 2020 වසරේ වාර්තා වූ සංඛ්‍යාවට වඩා 531 කින් වැඩි වීමකි. විශාලතම කොටස් හිමියන් 20 දෙනා පහත දැක් වේ (අඩුවන අනුපිළිවෙලින්):[1]
බ්‍රිටිෂ් ඇමෙරිකන් ටුබැකෝ ඉන්ටර්නැෂනල් හෝල්ඩින්ග්ස් | පිලිප් මොරිස් බ්‍රෑන්ඩ් SARL | CB NY S/A Allan Gray Frontier Markets Equity Fund Limited | Pershing LLC S/A Averbach Grauson & Co. | SSBT-AL MEHWAR COMMERCIAL INVESTMENTS L.L.C | Northen Trust Company S/A - Fundsmith Emerging Equities Trust PLC | ජේ.බී කොකෝෂෙල් (පුද්ගලික) සමාගම | RBC Investor Services Bank | Mrs. Jasbinderjit Kaur Piara Singh | නීෂා හර්මන් මිය | Deutsche Bank AG Singapore A/C 01 | ජයවර්ධන සංජීව ප්‍රනීත් මහතා | Harnam Holdings SDN BHD | SSBT-Frank Russel Trust Company Comingled Benefit Fund Trust GNA | සෙලාන් බැංකුව PLC/W.D.N.H. පෙරේරා | ලංකා බැංකුවේ අංක 1 ගිණුම | Deutsche Bank AG AS Trustee For JB vantage Value Equity Fund | BNYM RE- GHI Holdings Mauritius | රත්නායක සුසන්ත චාමින්ද මහතා | SSBT-PARAMETRIC Tax-Managed Emerging Markets Fund
ඔවුන් සාමූහිකව කොටස්වලින් 96.65% ක් හිමි කර ගෙන ඇත. ජේ.බී කොකෝෂෙල් (පුද්ගලික) සමාගම, ලංකා බැංකුව අංක 1 ගිණුම, සෙලාන් බැංකුව PLC/W.D.N.H. පෙරේරා, රත්නායක සුසන්ත චාමින්ද මහතා සහ ජයවර්ධන සංජීව ප්‍රනීත් මහතා යන අය හැර අනෙක් සියලු දෙනාම විදේශ ආයෝජකයෝ වූහ. [1]
සම්බන්ධතා
CTC වෙත අනුබද්ධ පුද්ගලයින් සහ ආයතන පහත දැක්වෙන කාණ්ඩවලට අදාළ පිටු වල විස්තර කර ඇත:
- දුම්කොළ කර්මාන්තයෙන් මුදල් ඉපයූ හෝ ගෙවීම් ලබාගත් ආයතන - CTC විසින් පත් කරන ලද හෝ අනුග්‍රහය දක්වන පුද්ගලයන් හෝ ආයතන
- දුම්කොළ කර්මාන්තය සඳහා උපදේශන සේවාවන් සැපයූ ආයතන - CTC වෙත උපදේශන සේවා සැපයීමේ ඉතිහාසයක් ඇති පුද්ගලයින් හෝ ආයතන
- දුම්කොළ කර්මාන්තය සමග වක්‍ර සම්බන්ධතා පැවැත්වූ පුද්ගලයින් හෝ ආයතන - CTC වෙත සෘජුව සම්බන්ධ වූ ආයතන විසින් අනුග්‍රහය දක්වන ලද පුද්ගලයන් හෝ ආයතන
- දුම්කොළ කර්මාන්තවල නිලධාරීන් වෙනත් පුද්ගලයන් සමග හෝ ආයතන සමග ඇති සබඳතා - CTC හි අධ්‍යක්ෂවරුන්/සේවකයින් අධ්‍යක්ෂවරුන්/සේවකයින්/සාමාජිකයින් වන ආයතන
- දුම්කොළ කර්මාන්තයේ නිලධාරීන් පාලනය කරනු ලබන වෙනත් ආයතන - CTC හි නියෝජිතයෙකු ලෙස CTC සේවකයින්ට හෝ අධ්‍යක්ෂවරුන්ට විධායක තනතුරු පවරා ඇති ආයතන
- දුම්කොළ කර්මාන්ත අධ්‍යක්ෂකවරුන් හා සේවකයන් - CTC හි හිටපු සහ වත්මන් සභාපතිවරුන්, අධ්‍යක්ෂවරුන් සහ සේවකයින්
- දුම්කොළ කර්මාන්ත ආයෝජකයින් - CTC හෝ වෙනත් දුම්කොළ කර්මාන්තයේ ආයෝජනය කරන ලද පුද්ගලයන් හෝ ආයතන
ක්‍රියාකාරකම්
ශ්රී ලංකාව තුල CTC හි ක්‍රියාකාරකම් පහත දැක්වෙන කාණ්ඩවලට අදාළ පිටුවල විස්තර කර ඇත:
- සමාජ ආයෝජන - 'ආයතනික සමාජ වගකීම' ලෙස තේමා කර ඇති ක්‍රියාකාරකම් සහ CTC හෝ එහි සේවකයින් විසින් සමාජ සිදුවීම්/ක්‍රියාකාරකම් සඳහා අනුග්‍රහය දැක්වීම (සමාගමේ නම සහ/හෝ මාතෘකාව භාවිතා කරමින්)
- ප්රතිපත්තිවලට සිදුකරන බලපෑම් - රජයට එරෙහිව ප්‍රතිපත්ති සහ නඩු වලට බලපෑම් කිරීමට උත්සාහ කිරීම
- අලෙවිය හා ප්‍ර‍චාරණය - නිෂ්පාදන, වෙළඳ නාම හෝ දුම් පානය ප්‍රවර්ධනය කිරීම සඳහා කරනු ලබන ක්‍රියාකාරකම්, අලෙවිකරණ උපාය මාර්ග සහ සමාගමේ ප්‍රතිරූපය ප්‍රවර්ධනය කිරීම සඳහා කරන ක්‍රියාකාරකම්
- දුම්කොළ වගාව - දුම්කොළ ගොවිතැනට සහ ගොවීන්ට සිදු කරන බලපෑම් සහ මැදිහත්වීම්
- දුම්කොළ බදු හා මිල ආශ්‍රිත තොරතුරු - දුම්කොළ බදු ප්‍රතිපත්ති සහ සිගරට් මිල වැඩි කිරීම සඳහා දක්වන ප්‍රතිචාර
- රාජ්‍ය නිලධාරීන් සමග ඇති සබඳතා - ප්රතිපත්තිවලට බලපෑම් කිරීමට හෝ CTC ක්‍රියාකාරකම් ක්‍රියාත්මක කිරීමට රජයේ නිලධාරීන් සමඟ සහයෝගයෙන් කටයුතු කිරීම
- නීති විරෝධී දුම්කොළ වෙළෙඳාමට සම්බන්ධ වීම - දුම්කොළ ජාවාරමට සහ නීති විරෝධී දුම්කොළ වෙළඳාමට සම්බන්ධව සිදු කරන බලපෑම් සහ මැදිහත්වීම්
- දුම්කොළ කර්මාන්ත විසින් ඉදිරිපත් කරනු ලබන තර්ක - දුම්කොළ පාලන පියවරයන් හා එහි විද්‍යාත්මක පසුබිමට එරෙහිව සිදු කරන තර්ක
- දුම්කොළ කර්මාන්ත විසින් දක්වන ප්‍රතිචාර - දුම්කොළ පාලන ප්‍රතිපත්ති/ක්‍රියා සඳහා හෝ බලධාරීන්ගෙන්/විද්‍යාඥයන්ගෙන්/මහජනතාවගෙන් එල්ල වන චෝදනා/විමසුම් සඳහා දක්වන ප්‍රතිචාර
- දුම්කොළ පාලන කටයුතු වලට මැදිහත් වීම - රජය විසින් ගනු ලබන දුම්කොළ පාලන ක්‍රියාමාර්ගවලට බාධා කරන ක්‍රියාකාරකම්
- ආයතන හෝ පුද්ගල හවුල්කාරිත්වයන් - පුද්ගලයන් හෝ ආයතන සමඟ සහයෝගීතාවයේ/හවුල්කාරිත්වයේ ඉතිහාසයක් ඇති CTC හි ක්‍රියාකාරකම්
- රජයේ ක්‍රියාකාරකම් සඳහා අනුග්‍රාහකත්වය - ප්රතිපත්තිවලට බලපෑම් කිරීමට හෝ සමාගමේ ප්‍රතිරූපය ප්‍රවර්ධනය කිරීමට රජයේ ක්‍රියාකාරකම් සඳහා අනුග්‍රහය දැක්වීම
- පර්යේෂණ සඳහා අනුග්‍රාහකත්වය - විද්‍යාත්මක දත්ත හැසිරවීමට සහ අදාළ මහජන සෞඛ්‍ය ප්‍රතිපත්ති සහ දුම්කොළ පාලන ක්‍රියාමාර්ගවලට බලපෑම් කිරීම සඳහා රජයේ/පෞද්ගලික ආයතන හෝ පුද්ගලයන්ට අනුග්‍රහය දැක්වීම
- සමාජ ව්‍යාපෘති සඳහා අනුග්‍රාහකත්වය - සමාගමේ ප්‍රතිරූපය ප්‍රවර්ධනය කිරීම සඳහා සමාජ ව්‍යාපෘති සඳහා අනුග්‍රහය දැක්වීම
2018 වසරේ මහා සභා රැස්වීමේදී ප්‍රජා විරෝධතා
2018 අප්‍රේල් මාසයේ දී වාර්ෂික මහා සභා රැස්වීම (AGM) දිනයේ දී දුම්වැටි පානය නිසා ජීවිත අහිමි වූ ශ්රී ලාංකිකයන් සැමරීම සඳහා සර්ව ආගමික වතාවත් සමඟින් CTC මූලස්ථානය ඉදිරිපිට විරෝධතාවක් පැවැත්විණි (රූපය 2). විරෝධතාකරුවන් එහිදී ආයෝජකයින්ගෙන් ඉල්ලා සිටියේ තම පාරිභෝගිකයන් මරා දමන ව්‍යාපාරයකට ආයෝජනය කිරීම නවත්වන ලෙසයි (රූපය 3).[9][10] 2016 වසරේ දී ද මෙවැනිම විරෝධතාවක් වාර්තා විය. A similar protest was reported in 2016.[11]
අධිකරණ ක්‍රියාදාමයන් ප්‍රමාද කිරීම සම්බන්ධයෙන් දඬුවම්
CTC ට එරෙහිව අලාභහානි සඳහා නඩුවක් ගොනු කළ පැමිණිලිකරුවෙකුට, පහළ උසාවියේ නඩු විභාගය හිතාමතා ප්‍රමාද කිරීම නිසා රුපියල් 400,000 (USD 2,500) මුදලක් නීතිමය වියදම් ලෙස ගෙවන ලෙස ශ්රී ලංකා ශ්‍රේෂ්ඨාධිකරණය 2018 ජූනි මාසයේදී CTC වෙත නියෝග කළේය. [12] දුම්පානය කරන්නෙකුගේ වැන්දඹුවක් විසින් තම සැමියාගේ පෙනහළු පිළිකා ආශ්‍රිත මරණයට වන්දි ඉල්ලා අධිකරණයේ මෙම නඩුව ආරම්භ කරන ලදී.[13][14] වැඩි විස්තර සඳහා කරුණාකර දුම් පානය කළ අයෙකුගේ මරණය සඳහා ලංකා දුම්කොළ සමාගමට නඩු පවරයි අපගේ පිටුව බලන්න
TobaccoUnmasked සම්පත්
- ලංකා දුම්කොළ සමාගම (CTC)
- බ්‍රිතාන්‍ය ඇමරිකානු දුම්කොළ සමාගම (BAT)
- දිනේෂ් වීරක්කොඩි
- ඩෙනිස් පෙරේරා
- කෙන් බාලේන්ද්‍ර
- මයිකල් කොස්ට්
- රුක්ෂාන් ගුණතිලක
- ස්ටැන්ලි වනිගසේකර
- සුසන්ත රත්නායක
- මොනිෂා ඒබ්‍රහම්
- ඇඩ්වෙන්ට් ඉන්ටර්නැෂනල්
- සී.ටී.සී. ඊගල්
- Outreach Projects (Guarantee) Limited
මූලාශ්‍ර
- ↑ 1.0 1.1 1.2 1.3 1.4 1.5 1.6 Ceylon Tobacco Company PLC. Annual Report 2021, 2022, accessed July 2022
- ↑ British American Tobacco Website. Our history – a timeline, 2017, accessed May 2017
- ↑ Colombo Stock Exchange. Ceylon Tobacco Company PLC (CTC.N0000), 2017, accessed May 2017
- ↑ Ceylon Tobacco Company PLC. Annual Report 2016, 2017, accessed May 2017
- ↑ N.Arunathilake, M.Opatha, The Economics of Tobacco in Sri Lanka., Economics of Tobacco Control Paper No. 12, Tobacco Free Initiative, World Health Organization, 2003, accessed November 2016
- ↑ Ceylon Tobacco Company. Overview of our portfolio, undated, accessed July 2022
- ↑ Daily FT. Ceylon Tobacco gets first female MD/CEO, 2 December 2021, accessed December 2021
- ↑ The Morning. CTC appoints Suresh Shah as Chairman, 17 February 2021, accessed April 2022
- ↑ 9.0 9.1 Alcohol and Drug Information Centre (ADIC) Sri Lanka. Facebook page, 2018, accessed June 2018
- ↑ 10.0 10.1 Ada. සිගරට් භාවිතයෙන් මියගිය පුද්ගලයන් සිහිකරමින් මතක වස්ත්‍ර පූජාවක් සහ මහා පාංශුකූල පිංකමක්. 27 April 2018
- ↑ SN Ganewaththa. දුම් බී මියගිය අය සිහිකර මතක වස්ත්‍ර පූජා කර පාංශු කූලය දෙති, Divayina, 04 April 2016, accessed June 2018
- ↑ Daily Mirror. Delaying trial for 12 years: SC orders CTC to pay widow Rs.400,000 as costs 16th June 2018, accessed June 2018
- ↑ Supreme Court of Sri Lanka. S.C. Appeal 102/2009, 14th June 2018, accessed June 2018
- ↑ S Samarasinghe. Tobacco faces smoking death case, Nation.lk, 2nd November 2008, accessed June 2018
