COVID-19 වසංගතය තුළ ගෝලීයව වාර්තා වූ දුම්කොළ කර්මාන්තයේ බලපෑම් - 2021 දෙසැම්බර්

From Tobacco Unmasked Sinhala
TobaccoUnmasked_English
TobaccoUnmasked_Tamil

මෙය COVID-19 වසංගතය තුළ ගෝලීයව වාර්තා වූ දුම්කොළ කර්මාන්තයේ බලපෑම් යන අපගේ පිටුව ඉදිරියට පවත්වා ගෙන යාමක් වන අතර එහි 2021 දෙසැම්බර් මාසය තුළ වාර්තා වූ සිදුවීම් සාරාංශ ගත කරයි. දෙසැම්බර් මාසයට අදාළ සිදුවීම් වාර්තා වන අවස්ථාවලදී මෙම පිටුව අඛණ්ඩව යාවත්කාලීන කරනු ලැබේ.

2021 දෙසැම්බර් 31 දිනට වාර්තා වූ බලපෑම් වල සාරාංශය

ශ්‍රී ලංකාව සම්පුර්ණයෙන් ම වසා දැමීම ආරම්භ කළ දිනය වන 2020 මාර්තු 13 වන දින සිට වාර්තා වූ සිදුවීම් 1 වන වගුවේ සාරාංශ ගත කර ඇති අතර එය COVID-19 වසංගතය තුළ ගෝලීයව වාර්තා වූ දුම්කොළ කර්මාන්තයේ බලපෑම් අධීක්ෂණය කිරීම ආරම්භ කළ දිනයයි.

වගුව 1: COVID-19 වසංගතය අතරතුර වාර්තා වූ දුම්කොළ කර්මාන්තයේ බලපෑම් වල සාරාංශය

දුම්කොළ සමාගම වාර්තා වූ රටවල් සිදුවීම් ගණන
බ්‍රිතාන්‍ය ඇමරිකානු දුම්කොළ සමාගම (BAT) දකුණු අප්‍රිකාව, ඇමරිකා එක්සත් ජනපදය, එක්සත් රාජධානිය, බ්‍රසීලය, කෙන්යාව, බංගලාදේශය, ක්‍රොඒෂියාව, මෙක්සිකෝව, නයිජීරියාව, හොන්ඩුරාස්, රුසියාව, මැලේසියාව, සිම්බාබ්වේ, උගන්ඩාව, ග්‍රීසිය, කැනඩාව, ඉතාලිය, අයර්ලන්තය, ඊජිප්තුව, නවසීලන්තය, පිලිපීනය, බෙලාරුස්, බෙල්ජියම, ඕස්ට්‍රේලියාව, ඉරානය, රුමේනියාව, නැමීබියාව, පකිස්ථානය, දකුණු කොරියාව, උස්බෙකිස්තානය, බුරුන්ඩි, කොමරෝස්, කොංගෝ ප්‍රජාතන්ත්‍රවාදී ජනරජය, මලාවි, රුවන්ඩා, සුඩානය, ටැන්සානියාව, සැම්බියාව, ප්‍රංශය,ජපානය, මියන්මාරය, සිංගප්පූරුව, මෝල්ටා 210
පිලිප් මොරිස් ඉන්ටර්නැෂනල් (PMI) බ්‍රසීලය, කොස්ටාරිකාව, ග්‍රීසිය, තුර්කිය, ඉතාලිය, පිලිපීනය, බල්ගේරියාව, යුක්‍රේනය, ජෝර්ජියාව, රුසියාව, බර්කිනා ෆාසෝ, ඩෙන්මාර්කය, පෙන්සිල්වේනියාව, ස්විට්සර්ලන්තය, චෙක් ජනරජය, ජපානය, ඇස්ටිපේලියා, ලා ග්රේසියෝසා, එක්සත් එක්සත් ජනපදය, නෙදර්ලන්තය, එක්සත් රාජධානිය, නයිජීරියාව, රුමේනියාව, ඩුබායි,ඕස්ට්‍රේලියාව, පකිස්ථානය, ට්‍රිනිඩෑඩ් සහ ටොබැගෝ, කැරිබියන් 118
ඇල්ට්‍රියා සමූහය ඇමරිකා එක්සත් ජනපදය, කැනඩාව, ස්විස්ටර්ලන්තය 75
ජැපෑන් ටුබැකෝ ඉන්ටර්නැෂනල් (JTI) එක්සත් රාජධානිය, බංගලාදේශය, තුර්කිය, මැලේසියාව, පිලිපීනය, රුසියාව, දකුණු අප්‍රිකාව, සැම්බියාව, ජපානය, රුමේනියාව, ජර්මනිය, කාම්බෝජය, ග්‍රීසිය, ඉරානය, ලක්සම්බර්ග්, නයිජීරියාව, මලාවි, ටැන්සානියාව, ඇමරිකා එක්සත් ජනපදය 78
ඉම්පීරියල් ටුබැකෝ රුසියාව, ඊජිප්තුව, යුක්රේනය, ග්‍රීසිය, චෙක් ජනරජය, ඇමරිකා එක්සත් ජනපදය 33
ඉන්දියාවේ ITC ලිමිටඩ් ඉන්දියාව 76
කොරියා ටුබැකෝ ඇන්ඩ් ජින්සෙන්ග් කෝපරේෂන් (KT&G) ඉන්දුනීසියාව, තුර්කිය, රුසියාව, ආර්මේනියාව, සර්බියාව, කසකස්තානය, කිර්ගිස්තානය, ඉතාලිය, රුමේනියාව, සයිප්‍රසය, ග්‍රීසිය 9
ලංකා දුම්කොළ සමාගම (CTC) ශ්‍රී ලංකාව 12
රෙනෝල්ඩ්ස් ඇමරිකන් ඇමරිකා එක්සත් ජනපදය 7
යුනිවර්සල් කෝපරේෂන් ඇමරිකා එක්සත් ජනපදය 2
VMR ප්‍රෝඩක්ට්ස් ඇමරිකා එක්සත් ජනපදය 2
RJ රෙනෝල්ඩ්ස් දුම්කොළ සමාගම ඇමරිකා එක්සත් ජනපදය 5
ඉන්දියාවේ ගොඩ්ප්‍රි ෆිලිප්ස් ඉන්දියාව 5
ජරම් ඉන්දුනීසියාව 2
PT HM සම්පෝනා ඉන්දුනීසියාව 1
හොන්ගුන්හොන්හේ දුම්කොළ (සමූහය) - 2
7 හිල්ස් මනික්චන්ද් ප්‍රොඩක්ට්ස් පුද්ගලික සමාගම ඉන්දියාව 2
ඩෙකෑන් ටුබැකෝ ඉන්දියාව 1
විනටාබා දුම්කොළ සමාගම වියට්නාමය 1
ජාත්‍යන්තර දුම්කොළ සමාගම නයිජීරියාව 1
LT සමූහය පිලිපීනය 1
චීන දුම්කොළ සමාගම චීනය, ලතින් ඇමරිකාව 4
ගැමුචි-Gamucci එක්සත් රාජධානිය, ඇමරිකා එක්සත් ජනපදය, ආසියාව, අප්‍රිකාව 1
ජූල් ලැබ්ස් ඇමරිකා එක්සත් ජනපදය 8
ස්වෙඩිෂ් මැච් ස්වීඩනය 3
පිලිප් මොරිස් ෆෝර්චුන් ටුබැකෝ කෝපරේෂන් (PMFTC) පිලිපීනය 4
ෆෙරියෝ ටෙගෝ සුරුට්ටු සමාගම ඇමරිකා එක්සත් ජනපදය 1
RJ රෙනෝල්ඩ්ස් වේපර් සමාගම ඇමරිකා එක්සත් ජනපදය 1
ගෝල්ඩ් ලීෆ් ටුබැකෝ කෝපරේෂන් දකුණු අප්‍රිකාව 1
බාර්කෝ වෙළඳ සමාගම ඇන්ගෝලාව 1
පෑන් ඇෆ්රිකා දුම්කොළ සමූහය ඇන්ගෝලාව 1
සමාගම නිශ්චිතව දක්වා නොමැති හෝ සමාගම් වෙනුවෙන් පෙනී සිටින කණඩායම් හරහා බලපෑම් එක්සත් අරාබි එමීර් රාජ්‍යය, බංගලාදේශය, සිම්බාබ්වේ, මැලේසියාව, ඕස්ට්‍රේලියාව, ලෙබනනය, සෙනගාලය, ශ්‍රී ලංකාව, ප්‍රංශය, මියන්මාරය, චිලී රාජ්‍ය, දකුණු අප්‍රිකාව, කෙන්යාව, භූතානය, පිලිපීනය, ග්‍රීසිය, හොංකොං 44

90 වන සතිය : 2021 නොවැම්බර් 29 සිට දෙසැම්බර් 5 දක්වා

  • බ්‍රිතාන්‍ය ඇමරිකානු දුම්කොළ සමාගම (BAT) නව කර්මාන්තශාලාවක් සඳහා ඇමරිකානු ඩොලර් මිලියන 185ක් ආයෝජනය කිරීම පිළිබඳව නයිජීරියාවේ ඔයෝ ප්‍රාන්තයේ ආණ්ඩුකාර සේයි මකින්දේ ප්‍රසිද්ධියේ අගය කළේය. මෙය නිවර්තන කෘෂිකාර්මික ජාත්‍යන්තර ආයතනය (IITA) සමඟ එක්ව BAT විසින් පිහිටුවන ලද නයිරා මිලියන 200 ක (ඇමරිකානු ඩොලර් 48,000) ගොවි අරමුදලක් නිල වශයෙන් දියත් කිරීමේ උත්සවයකදී මෙය සිදු විය. IITA යනු ලාභ නොලබන ආයතනයක් වන අතර එය ඔවුන්ගේ වෙබ් අඩවියට අනුව අප්‍රිකාවේ කුසගින්න, මන්දපෝෂණය, දරිද්‍රතාවය සහ ස්වාභාවික සම්පත් පරිහානිය යන වඩාත්ම දැවෙන අභියෝගවලට මුහුණ දීම සඳහා කෘෂිකාර්මික නවෝත්පාදන උත්පාදනය කරයි. ගොවීන්ගේ අරමුදල "ආහාර බෝග (මඤ්ඤොක්කා සහ බඩ ඉරිඟු) නිෂ්පාදනයේ නිරත වන හිටපු දුම්කොළ ගොවීන් නැවත ඒකාබද්ධ කිරීම සහ ලාභදායී ලෙස සම්බන්ධ කිරීම" සඳහා පිහිටුවා ඇති බව වාර්තා වේ.[2] BAT විසින් අප්‍රිකාවේ රටවල් 14කට දුම්කොළ අපනයනය කරමින් වාර්ෂිකව ඩොලර් මිලියන 110කට වැඩි විදේශ විනිමය උපයා ගන්නා බව නයිජීරියාවේ (BAT) හි මෙහෙයුම් අධ්‍යක්ෂ වසීම් හයාත් තවදුරටත් ප්‍රකාශ කළේය.[3]
දුම්කොළ කර්මාන්තය විවිධ උපක්‍රම භාවිතා කරමින් ගොවීන් ඉලක්ක කරන බව මනාව දන්නා කරුණකි. මානව සෞඛ්‍ය, පරිසරය සහ සමාජ-ආර්ථික සංවර්ධනය කෙරෙහි දුම්කොළ වගාව සහ සිගරට් නිෂ්පාදන ක්‍රියාවලිය අහිතකර ලෙස බලපාන බව විද්‍යාත්මක සාක්ෂි රාශියක් මගින් අනාවරණය කර ඇත. ගොවි අරමුදල පිහිටුවීම, නව දුම්කොළ කර්මාන්තශාලාව ආරම්භයත් සමඟ දුම්කොළ අස්වැන්න සඳහා ඇති ඉල්ලුම වක්‍ර ලෙස ඉස්මතු කිරීම මඟින් හිටපු දුම්කොළ ගොවීන් අතර දුම්කොළ වගාව ප්‍රවර්ධනය කිරීමට හේතුවනු ඇත. දුම්කොළ කර්මාන්තය මගින් අකල් මරණ සහ රෝග හරහා ආර්ථිකයට සිදු කරන හානිය නොසලකා හරිමින් ඔවුන්ගෙන් ආර්ථිකයට වන දායකත්වය අතිශයෝක්තියට නංවන බව දන්නා කරුණකි.
  • ඉන්දියාවේ ITC ලිමිටඩ් හි සභාපති සහ කළමනාකාර අධ්‍යක්ෂ සංජිව් පූරි, '2020 වසරේ බලපෑමේ පුද්ගලයා' ලෙස සම්මාන ලැබීය. විකාශන, මාධ්‍ය, ප්‍රචාරණය සහ අලෙවිකරණ යන කර්මාන්ත පිළිබඳ තොරතුරු සපයන ප්‍රකාශන වේදිකාවක් වන එක්ස්චේන්ජ් ෆොර් මීඩියා විසින් එය ලබා දෙන ලදී. එය "ප්‍රචාරණ, මාධ්‍ය සහ අලෙවිකරණ යන ක්ෂේත්‍ර වල විශිෂ්ටත්වය හඳුනා ගැනීම" සඳහා ලබා දෙන බවට වාර්තා වූ අතර කාන්තා හා ළමා සංවර්ධන අමාත්‍යවරිය වන ස්මෘති ඉරානි විසින් භාර දෙන ලදී. ඉන්දියාවේ. ඉන්දියාවේ ITC ලිමිටඩ් යනු සිය ව්‍යාපාර වෙනත් ව්‍යාපාරවලට විවිධාංගීකරණය කළ ඉන්දියාවේ ප්‍රධාන දුම්කොළ සමාගමයි. 2021 මාර්තු වන විට, ඉන්දීය රජය සතු රක්ෂණ සමාගම වන ලයිෆ් ඉන්ෂුරන්ස් කොර්පරේෂන් හරහා ITC හි 16.23% ක කොටස් ඉන්දීය රජය සතු වේ..[4]
මහජන සෞඛ්‍යය පිළිබඳ මූලික ගැටුමක් ඇති වන බැවින් දුම්කොළ කර්මාන්තය සමඟ කිසිදු හවුල්කාරිත්වයක් නොපවත්වන ලෙස දුම්කොළ පාලනය පිළිබඳ නීතිමය රාමුවේ (FCTC) 5.3 වන වගන්තිය මගින් රජයන්ට නිර්දේශ කරයි.
  • සුරාබදු බදු ආපසු ගෙවීම සඳහා වූ පෙත්සමක් ප්‍රතික්ෂේප කරමින් බදු අභියාචනාධිකරණය පිලිප් මොරිස් ෆෝචූන් ටුබැකෝ කොර්පරේෂන්ට (PMFTC) එරෙහිව නියෝගයක් නිකුත් කළේය. PMFTC යනු දුම්කොළ සමාගම (FTC) සහ පිලිපීනයේ පිලිප් මොරිස් ඉන්ටර්නැෂනල් (PMI) අතර වන හවුල් ව්‍යාපාරයකි. සිගරට් 5ක් හෝ 10ක් සහිත පැකට් සඳහා සුරාබදු බද්ද අදාළ වීම අභියෝගයට ලක් කරමින් PMFTC ලාස් පිනාස් කලාපීය අධිකරණයේදී (RTC) නඩුව ජය ගත්තේය. 2013 ජනවාරි මාසයේ දී කූරු 20 ක් සහිත ඇසුරුම් සඳහා බද්ද පනවා ඇත. අභ්‍යන්තර ආදායම් කාර්යාංශය (BIR) විසින් මෙම නඩුව ශ්‍රේෂ්ඨාධිකරණය වෙත ගෙන ගිය අතර 2017 දී RTC නියෝගය තහවුරු කරන ලදී. තාවකාලික තහනම් නියෝගය ක්‍රියාත්මක කරන ලද 2014 වසරේ සිට ශ්‍රේෂ්ඨාධිකරණය තහවුරු කිරීමේ නියෝගය ලබා දෙන තෙක් අතරතුර ගෙවූ සුරාබදු බද්ද ඉල්ලා සිටීමට PMFTC විසින් මෙම පෙත්සම ගොනු කරන ලදී.[5]
දුම්කොළ පාලනය පිළිබඳ නීතිමය රාමුවේ (FCTC) 6 වැනි වගන්තිය සහ 11 වැනි වගන්තිය මගින් සිගරට් සඳහා වන ඉල්ලුම අඩු කිරීමේ පියවර ලෙස දුම්කොළ බද්ද ඉහළ නැංවීම සහ දුම්කොළ නිෂ්පාදනවල සම්මත ඇසුරුම්නිකරණය නිර්දේශ කරයි. දුම්කොළ කර්මාන්තය ඵලදායී දුම්කොළ පාලන ප්‍රතිපත්ති සහ ක්‍රියාමාර්ග ක්‍රියාත්මක කිරීම ප්‍රමාද කිරීම සඳහා නඩු පැවරීම සඳහා ප්‍රසිද්ධය. වැඩි විස්තර සඳහා කරුණාකර සිගරට් අසුරණ මත රූපමය අවවාද: ලංකා දුම්කොළ සමාගම නඩු මගට පිටුවට පිවිසෙන්න.
  • හොංකොං හි ටුන් මුන් කලාපයේ දී ඇමරිකානු ඩොලර් මිලියන 9.7ක් වටිනා නීතිවිරෝධී දුම්වැටි තොගයක් අත්අඩංගුවට ගත් බව මාධ්‍ය වාර්තා කළේය. 2020 වසරට සාපේක්ෂව අත්අඩංගුවට ගත් නීතිවිරෝධී දුම්වැටි ප්‍රමාණය 70% කින් වැඩි වී ඇති බවත් 2021 දී අත්අඩංගුවට ගත් මුළු දුම්වැටි ප්‍රමාණය මිලියන 347 කට වඩා වැඩි බවත් ඔවුන් වැඩිදුරටත් වාර්තා කළේය.[6]
මෙය දුම්කොළ සමාගම් විසින් ඔවුන්ගේ අඩු විකුණුම් පරිමාව සාධාරණීකරණය කිරීම සහ දුම්කොළ බදු වැඩිවීම මග හැරීම සඳහා කරන ලද පොදු ප්‍රකාශයකි. දුම්කොළ සමාගම් ලෝකයේ බොහෝ රටවල නීති විරෝධී වෙළඳාම සම්බන්ධ වීම මනාව දන්නා කරුණකි. වැඩි විස්තර සඳහා කරුණාකර ලංකා දුම්කොළ සමාගම විසින් තම කොටස් හිමියන් නොමඟ යැවීම: නීති විරෝධී සිගරට් පිළිබඳ ගැටළුව යන පිටුවට පිවිසෙන්න.
  • 2018 වසරට සාපේක්ෂව බලශක්ති පරිභෝජනය 41% කින් අඩු වී ඇති බව පකිස්ථානයේ පිලිප් මොරිස් ලිමිටඩ් (PMPKL) නිවේදනය කළේය. වැඩි දියුණු කරන ලද බලශක්ති කාර්යක්ෂමතාව සඳහා වන මුලපිරීම් ඊට හේතු වූ බවට වාර්තා වේ. ඒ අනුව, 2016 දී සූර්ය පැනල හරහා බලශක්ති උත්පාදනය කළ පිලිප් මොරිස් අනුබද්ධිත පළමු ආයතනය බවට PMPKL පත් වූ බවට එහි වැඩිදුරටත් සඳහන් වේ.[7]
බලශක්ති පරිභෝජනය අඩුවීමට ප්‍රධාන වශයෙන් හේතු වී ඇත්තේ 2019 මාර්තු මාසයේදී පකිස්ථානයේ සින්ද්, කෝට්‍රි හි සිගරට් නිෂ්පාදන කර්මාන්ත ශාලාව වසා දැමීමයි.
රූපය 1: ලංකා දුම්කොළ සමාගමේ (CTC) නව ප්‍රධාන විධායක නිලධාරියා පත් කිරීම මාධ්‍ය වාර්තා කරයි.[8]

91 වන සතිය : 2021 දෙසැම්බර් 6 සිට 12 දක්වා

දුම්කොළ සමාගම් ලෝකයේ බොහෝ රටවල නීති විරෝධී වෙළඳාම සම්බන්ධ වීම මනාව දන්නා කරුණකි. වැඩි විස්තර සඳහා කරුණාකර ලංකා දුම්කොළ සමාගම විසින් තම කොටස් හිමියන් නොමඟ යැවීම: නීති විරෝධී සිගරට් පිළිබඳ ගැටළුව යන පිටුවට පිවිසෙන්න.
  • යොවුන් වියේ පසුවන්නන් අතර විද්‍යුත් සිගරට් ප්‍රවර්ධනය කිරීම හේතුවෙන් ජූල් ලැබ්ස්, ඇල්ට්‍රියා සහ [පිලිප් මොරිස් USA ඇතුළු දුම්කොළ සමාගම්වලට එරෙහිව මාල්බෝරෝ ප්‍රාන්ත පාසල පොදු අභියාචනාධිකරණයේ නඩුවක් ගොනු කළේය. ජූල් ලැබ්ස් ඇතුළු විත්ති පාර්ශ්ව විසින් මීට සමාන නඩු සමඟ ඒකාබද්ධව මෙම නඩුව රාජ්‍ය උසාවියේ සිට ෆෙඩරල් උසාවිය වෙත ගෙනයාම සඳහා "ඉවත් කිරීමේ දැන්වීමක්" ගොනු කරන ලදී. මීට පෙර, ජුල් හි අලෙවිකරණය, වෙළඳ දැන්වීම් උපාය මාර්ග වලට එරෙහිව චාල්ස්ටන්, ඇන්ඩර්සන්, ග්‍රීන්විල් සහ පිකන්ස් යන දකුණු කැරොලිනා හි ප්‍රාන්ත වලින් නඩු පවරා ඇත.[11]
  • "බංග්ලාදේශයේ ඩකා නගරයේ අවන්හල්වල දුමෙන් තොර පරිසරයට දුම්කොළ සමාගම්වල මැදිහත්වීම් ගවේෂණය" යන මාතෘකාව යටතේ කරන ලද පර්යේෂණයකින් හෙළි වූයේ දුම්කොළ සමාගම් අවන්හල්වල 'නියමිත දුම්පානය ප්‍රදේශය (DSA)' පිහිටුවීමට සහ දුම්කොළ දැන්වීම් ප්‍රදර්ශනය සඳහා දිරිගැන්වීම් භාවිතා කරමින් අයිතිකරුවන් පොළඹවා ඇති බවයි. ඔවුන්ගේ වෙබ් අඩවියට අනුව “අයිතිවාසිකම් මත පදනම් වූ පර්යේෂණ සහ උපදේශන සංවිධානයක්” වන වොයිස් ෆොර් ඉන්ටරැක්ටිව් චොයිස් ඇන්ඩ් එම්පවර්මන්ට් -Voices for Interactive Choice and Empowerment (VOICE) විසින් මෙම පර්යේෂණය සිදු කරන ලදී. 2005 දුම්පානය සහ දුම්කොළ නිෂ්පාදන භාවිතය (පාලන) පනත අනුව කාමර එකකට වඩා වැඩි අවන්හල් සඳහා නියමිත දුම්පානය ප්‍රදේශය භාවිතා කිරීමට ඉඩ සලසයි. [12]
දුම්කොළ සමාගම්වල නීති විරෝධී ක්‍රියා හෙළි කිරීමට රහස් හෙළිකරන්නන් උදව් කර ඇත.
  • 2021 සැප්තැම්බර් අවසන් වන විට වාෂ්ප සහ උණුසුම් කරන දුම්කොළ නිෂ්පාදන භාවිතා කරන්නන් මිලියන 17.1 දක්වා ඉහළ ගිය බව බ්‍රිතාන්‍ය ඇමරිකානු දුම්කොළ සමාගම (BAT) නිවේදනය කළේය. BAT “නව නිෂ්පාදන කාණ්ඩවලින් තවමත් පාඩු ලබන නමුත් පළමු වතාවට පාඩු ලැබීම අඩු විය." යනුවෙන් මාධ්‍ය වාර්තා කළේ ය.[15]
  • දුම්පානයෙන් වන හානිය අවම කිරීම පිළිබඳ මාර්ගගත සම්මන්ත්‍රණයක දී පිලිප් මොරිස් ඉන්ටර්නැෂනල් (PMI) හි හිටපු ප්‍රධාන විධායක නිලධාරී, ඇන්ඩ්රේ කැටන්ට්සෝපෝලෝස් "දහනය නොකරන නිෂ්පාදන" වෙත මාරු වන ලෙස දුම් පානය කරන්නන්ගෙන් ඉල්ලා සිටියේය. "දුම්පානය බරපතල රෝගාබාධ ඇති කරන බවත්, දුම්පානයෙන් සිදුවන හානිය වළක්වා ගැනීමට ඇති හොඳම ක්‍රමය කිසිවිටෙක දුම්පානය ආරම්භ නොකිරීම හෝ අත්හැරීම" බවත් ඔහු වැඩිදුරටත් සඳහන් කළේය. සංවිධායකයින්, අනෙකුත් කථිකයන් සහ සහභාගිවූවන් වැනි සම්මන්ත්‍රණයේ වැඩි විස්තර සඳහන් වී නොමැත.[17]
විද්‍යාත්මක සාක්ෂි මගින් වාෂ්ප නිෂ්පාදන සහ දහනය නොකරන නිෂ්පාදන භාවිතා කිරීම නිසා ඇබ්බැහි වීම සහ පෙනහළු වලට හානි කිරීම ඇතුළුව ඊට සම්බන්ධ බොහෝ හානි අනාවරණය කර ඇත.
  • CDP විසින් පහත සඳහන් දුම්කොළ සමාගම් "A ලැයිස්තුගත කිරීම" යටතේ දේශගුණික විපර්යාස, වන හා ජල සුරක්ෂිතතාව යන අංශ වලින් ගෝලීය පාරිසරික නායකයින් ලෙස හඳුනා ගෙන ඇත. CDP, ඔවුන්ගේ ශ්‍රේණිගත කිරීම් හරහා "දේශගුණික විපර්යාසවලට මුහුණ දීම, වනාන්තර සහ ජල සුරක්ෂිතතාව ආරක්ෂා කිරීම සඳහා ඉහලම කාර්ය සාධනය සහ නායකත්වය" හඳුනා ගන්නා බවට වාර්තා වේ. CDP යනු එංගලන්තයේ මූලස්ථානය පිහිටි ලාභ නොලබන පුණ්‍යායතනයක් වන අතර එය "ආයෝජකයින්, සමාගම්, නගර, ප්‍රාන්ත සහ කලාප සඳහා ඔවුන්ගේ පාරිසරික බලපෑම කළමනාකරණය කිරීම සඳහා ගෝලීය අනාවරණය කිරීමේ පද්ධතිය ක්‍රියාත්මක කරයි". CDP කළමනාකරණය කරනු ලබන්නේ "රජයේ සහ පරිත්‍යාගශීලී ප්‍රදාන සහ ඔවුන්ගේ සේවාව සඳහා වන අනුපූරක ගාස්තු යන ප්‍රදානවල එකතුවකින්" වන අරමුදල් යටතේ භාරකාර මණ්ඩලයක් සහ අධ්‍යක්ෂ මණ්ඩලයක් විසිනි.
සිගරට් සහ එහි නිෂ්පාදන ක්‍රියාවලිය ගෝලීය උණුසුම ඇතුළු පරිසරයට සහ ඒ අනුව මිනිස් සෞඛ්‍යයට අහිතකර ලෙස බලපාන ආකාරය පිළිබඳ සාක්ෂි රාශියක් පවතී.

වගුව 2: ගෝලීය පාරිසරික නායකයින් ලෙස හඳුනා ගත් දුම්කොළ සමාගම් වන සාරාංශය

දුම්කොළ සමාගම අංශය වෙනත් කරුණු
පිලිප් මොරිස් ඉන්ටර්නැෂනල් (PMI) දේශගුණික විපර්යාස, වන හා ජල සුරක්ෂිතතාව - [18]
ජැපෑන් ටුබැකෝ ඉන්ටර්නැෂනල් (JTI) දේශගුණික විපර්යාස හා ජල සුරක්ෂිතතාව තුන්වන වසර සඳහා [19]
ඇල්ට්‍රියා දේශගුණික විපර්යාස හා ජල සුරක්ෂිතතාව දෙවන වසර සඳහා [20]
  • වෘත්තීය අධ්‍යාපනය සහ පුහුණුව පිළිබඳ මාස 18ක වෘත්තීය ඩිප්ලෝමාවක් හඳුන්වා දීම සඳහා ඉන්දියානු කර්මාන්ත සම්මේලනය (CII) ඉන්දියාවේ ITC හෝටල් සමඟ හවුල් විය. ඩිප්ලෝමාව පිරිනමනු ලබන්නේ ස්විට්සර්ලන්තයේ පිහිටි හෝටල් පාසලක් වන Ecole hôtelière de Lausanne (EHL) විසිනි. මෙම වැඩසටහන සිසුන් 240 දෙනෙකු සඳහා ITC හෝටල් හතරක පවත්වන බව නිවේදනය කර ඇත.[21] ITC හෝටල් අයිති වන්නේ, එය සිය ව්‍යාපාරය වෙනත් ව්‍යාපාරවලට විවිධාංගීකරණය කළ ඉන්දියාවේ ප්‍රධාන දුම්කොළ සමාගම වන ඉන්දියාවේ ITC ලිමිටඩ් හටය.

92 වන සතිය : 2021 දෙසැම්බර් 13 සිට 19 දක්වා

  • ඇල්ට්‍රියා සහ පිලිප් මොරිස් USA විසින් 2021 දෙසැම්බර් 12 සිට බලපැවැත්වෙන පරිදි සමහර සිගරට් වෙළඳනාම සඳහා සිගරට් පැකට්ටුවක මිල (සන්නාමය අනුව) ශත 15 සිට 20 දක්වා වැඩි කිරීමක් ප්‍රකාශයට පත් කරන ලදී. මෙය ඇල්ට්‍රියා විසින් 2021 වසර සඳහා තුන්වන වරට වැඩි කළ අවස්ථාවයි. බ්‍රිතාන්‍ය ඇමරිකානු දුම්කොළ සමාගමෙහි (BAT) සමහර සිගරට් වෙළඳනාම සඳහා පැකට්ටුවක මිල ශත 14ක වැඩිවීමක් ඇමරිකා එක්සත් ජනපදයේ මාධ්‍ය වාර්තා කළේය.[22]
  • 2019 වසරේ පූර්ව COVID තත්ත්වයට සාපේක්ෂව, 2021 පළමු මාස නවය තුළදී, වොන් ට්‍රිලියන 2.64 (USD බිලියන 2.23) දක්වා විකුණුම් 20.2% කින් වැඩි වී ඇති බව කොරියා ටුබැකෝ ඇන්ඩ් ජින්සෙන්ග් කෝපරේෂන් (KT&G) නිවේදනය කළේය. 2019 වසරේ එම කාලය තුළ දුම්වැටි අලෙවිය බිලියන 30.4 ක් වූ අතර 2020 එම කාලය තුළ දකුණු කොරියාවේ අලෙවි වූ දුම්වැටි ප්‍රමාණය බිලියන 31.1ක් බව එහි වැඩිදුරටත් සඳහන් වේ. “කර්මාන්තයේ ප්‍රවීණයන්” උපුටා දක්වමින් මාධ්‍ය ප්‍රකාශ කළේ විකුණුම් වැඩිවීම “වසංගතය, ආර්ථික දුෂ්කරතා, මානසික අවපීඩනය සහ අසරණ භාවයේ හැඟීම” නිසා සිදුවන බවයි.[23]
COVID-19 වසංගත ආතතිය, දුම් පානය කරන්නන් වැඩි වීමට තුඩු දෙන බව දුම්කොළ කර්මාන්තය සහ එහි සහචරයින් විසින් සිදු කරන ලද පොදු ප්‍රකාශයකි. දුම්පානයේ ව්‍යාප්තිය සහ වසංගත අගුලු දැමීම අතර කිසිදු සම්බන්ධයක් නොමැති බව විද්‍යාත්මක සාක්ෂි මගින් අනාවරණය වී ඇත. එයට, දුම්පානය අත්හැරීමේ උත්සාහයන් වැඩි වීම සහ නැවැත්වීම සමඟ සම්බන්ධයක් පවතින බව එය තවදුරටත් අනාවරණය කළේය.[24]
  • ජූල් ලැබ්ස් සහ ඇල්ට්‍රියා සමූහ ක්‍රියාකාරී නඩුවක් (සාමූහිකව නියෝජනය කරන පුද්ගලයින් කණ්ඩායමක් එක් පාර්ශ්වයක් වන නඩු වර්ගයකි) සඳහා ඇමරිකානු ඩොලර් මිලියන 90ක් ගෙවීමට එකඟ විය. ආයෝජකයින් කලින් කියා සිටියේ "ජූල් තරුණයින්ට අලෙවි කිරීම පිළිබඳව සමාගම් ඔවුන් සහ අනෙකුත් අය නොමඟ යවා ඇති" බවයි. ආයෝජකයින් විසින් 2021 දෙසැම්බර් 9 වන දින වර්ජිනියා ෆෙඩරල් අධිකරණයට ගොනු කරන ලද මෝසමක ප්‍රතිඵලයක් ලෙස, හිමිකම් සඳහා මෙම සමාගම් ඇමරිකානු ඩොලර් මිලියන 90 ක් ගෙවීමට එකඟ විය. සුරැකුම්පත් විනිමය පනත උල්ලංඝනය කරමින් JUUL විද්‍යාගාර විසින් නව යොවුන් වියේ පසුවන්නන් අතර වාෂ්ප නිෂ්පාදන ප්‍රවර්ධනය කරන බව එම යෝජනාවේ වැඩිදුරටත් සඳහන් වේ. එය වර්ජිනියාවේ සමූහ ක්‍රියාකාරී නඩුවක් සඳහා වන විශාලතම පියවීම් වලින් එකක් ලෙස වාර්තා වේ. [25]
  • ජැපෑන් ටුබැකෝ ඉන්ටර්නැෂනල් (JTI) සහ ටෝරි ෆාර්මසුටිකල්ස් එක්ව එටෝපික් ඩර්මටයිටිස් (Atopic Dermatitis) (නිදන්ගත ප්‍රදාහමය සමේ රෝගයක්) සහිත ළදරුවන් සඳහා ඩෙල්ගොසිටිනිබ් ආලේපය නිෂ්පාදනය කිරීමේ III වන අදියරෙහි ප්‍රතිඵල නිකුත් කරන ලදී. JTI සහ Torii විසින් මෙම ආලේපය නිෂ්පාදනය කිරීම සහ ජපානයේ අලෙවි කිරීම සඳහා 2016 ඔක්තෝම්බර් මාසයේදී එකඟතාවයකට පැමිණ ඇත. සායනික පරීක්ෂණ ප්‍රතිඵල මත නිෂ්පාදන සහ අලෙවිකරණ අයදුම්පතක් ඉදිරිපත් කිරීමට ඔවුන් කැමැත්තෙන් සිටින බව මාධ්‍ය වාර්තා කළේය.[26]
විද්‍යාත්මක අධ්‍යයනවලින් හෙළි වී ඇත්තේ දුම්කොළ දුම්පානය (ක්‍රියාකාරී සහ අක්‍රිය යන දෙකම) සහ ඇටොපික් ඩර්මැටිටිස් සමඟ සම්බන්ධතාවයක් පවතින බවයි.
  • "මලාවි විනීතව වැඩ කරන රටක් වැඩසටහනේ (DWCP 11) අභිලාෂයන් සඳහා දායක වීමට" මලාවි කම්කරු අමාත්‍යාංශය සහ ජැපෑන් ටුබැකෝ ඉන්ටර්නැෂනල් (JTI) අවබෝධතා ගිවිසුමකට (MOU) අත්සන් කර ඇති බව වාර්තා වේ. මාධ්‍ය එය ඉස්මතු කළේ "ශ්‍රම වෙළඳපොලේ පවතින යහපත් රැකියා හිඟයන් පියවීමට මලාවි රජයේ කැපවීම" ලෙසය.[27]
මහජන සෞඛ්‍යය පිළිබඳ මූලික ගැටුමක් ඇති වන බැවින් දුම්කොළ කර්මාන්තය සමඟ කිසිදු හවුල්කාරිත්වයක් නොපවත්වන ලෙස දුම්කොළ පාලනය පිළිබඳ නීතිමය රාමුවේ (FCTC) 5.3 වන වගන්තිය මගින් රජයන්ට නිර්දේශ කරයි.
  • පිලිප් මොරිස් ඉන්ටර්නැෂනල් (PMI) විසින් කෘෂිකාර්මික කම්කරු පිළිවෙත් නමින් වසර 10 ක සංවත්සර වාර්තාවක් ප්‍රකාශයට පත් කරන ලදී. එය 2021 දී ජාත්‍යන්තර මානව හිමිකම් දිනය සහ ළමා ශ්‍රමය තුරන් කිරීමේ ජාත්‍යන්තර වසර සැමරීමේ පියවරක් ලෙස ලබා ඇති ප්‍රගතිය පිළිබිඹු කිරීමට බව වාර්තා වේ. ඊට අමතරව, PMI "ලෝකය පුරා කෘෂිකාර්මික සැපයුම් දාමවල ශ්‍රම පරිචයන් වැඩිදියුණු කිරීම සඳහා සමාගම්, සැපයුම්කරුවන් සහ නිෂ්පාදකයින්ට උපකාර වන විවෘත මූලාශ්‍ර මෙවලම් කට්ටලයකට තම ඉගෙනීම් ඒකාබද්ධ කිරීමට" වෙරිටේ සමඟ හවුල් විය. ඔවුන්ගේ වෙබ් අඩවියට අනුව, වෙරිටේ යනු ශ්‍රම අපයෝජනයන් තුරන් කිරීමට උපකාරී වන මෙවලම් සහිත ව්‍යාපාරයන් සපයන සිවිල් සමාජ සංවිධානයකි.[28]
  • මැලේසියාවේ පිලිප් මොරිස් ඉන්ටර්නැෂනල් (PMI) හි කළමනාකාර අධ්‍යක්ෂ නයීම් ෂහාබ් ඛාන් ප්‍රකාශ කළේ 2022 වසරේ දී උණුසුම් කරන දුම්කොළ නිෂ්පාදන අලෙවිය ඉහළ නැංවීම ඔවුන්ගේ සැලසුම බවයි. ඔවුන් තවදුරටත් රට වසා දැමීම් අපේක්ෂා නොකරන බවත්, COVID-19 වසංගතය මධ්‍යයේ 2022 දී කාර්යක්ෂම ක්‍රියාකාරිත්වයක් සඳහා සැලසුම් කරමින් සිටින බවත් ඔහු වැඩිදුරටත් ප්‍රකාශ කළේය.[30]
  • බටහිර සහ මධ්‍යම අප්‍රිකාව සඳහා වන බ්‍රිතාන්‍ය ඇමරිකානු දුම්කොළ සමාගමේ (BATWCA), ඩිජිටල් ව්‍යාපාර විසඳුම් ප්‍රධානි ඔලකුන්ලේ ඔගේඩෙංබේ, CIO සම්මාන උළෙලේදී පාරිභෝගික භාණ්ඩ කාණ්ඩය යටතේ වසරේ ප්‍රධාන තොරතුරු නිලධාරියා (CIO) සම්මානයෙන් පිදුම් ලැබීය. ව්‍යාපාරික උපදේශන සේවා සපයන ව්‍යවසාය පාලන ආයතනයක් වන එඩ්නිසල් කන්සල්ටිං ලිමිටඩ් විසින් එය සංවිධානය කරන ලද්දේ "ව්‍යාපාරයට සැබෑ වර්ධනයක් සහ පරිවර්තනයක් ගෙන ඒම සඳහා ඩිජිටල් නවෝත්පාදන සහ තොරතුරු තාක්‍ෂණ පද්ධති භාවිතා කරන සාර්ථක සහ කැපී පෙනෙන පුද්ගලයින් සහ සංවිධාන සැමරීම සහ ගෞරව කිරීම" අරමුණු කරගනිමින් බවට ඔවුන්ගේ වෙබ් අඩවියේ සඳහන් වේ.[31]
  • එක්සත් ජනපදය පදනම් කරගත් ඉලෙක්ට්‍රොනික ද්‍රව නිෂ්පාදකයෙකු වන අවේල් වේපර් හි ප්‍රධාන විධායක නිලධාරී ජේම්ස් ෂු, සිල්ලර වෙළඳසැල ස්ථිරව වසා දැමීම සහ මාර්ගගත වෙළඳාම අත්හිටුවන බව නිවේදනය කළේය. එයට හේතු වී ඇත්තේ වාෂ්පකාරක පිළිබඳ ඇමරිකා එක්සත් ජනපද ආහාර හා ඖෂධ පරිපාලනයේ (FDA) නව රෙගුලාසිවලට අනුකූල වීමට නොහැකි වීම සහ COVID-19 වසංගතයේ ආර්ථික බලපෑම හේතුවෙනි. නිෂ්පාදනයේ නීත්‍යානුකූල අලෙවිකරණය පිළිබඳ වාර්තා පවත්වාගෙන යාම, නිෂ්පාදනය මහජන සෞඛ්‍යය ආරක්ෂා කරන ආකාරය සහ නිෂ්පාදනයේ අයිතිය සංශෝධනය කිරීම / ඉවත් කිරීම / පැවරීම යනාදිය නව රෙගුලාසිවලට ඇතුළත් වේ (රූපය 2).[32]
රූපය 2: FDA රෙගුලාසි හේතුවෙන් අවේල් වෙළඳසැල් වසා දැමීම මාධ්‍ය වාර්තා කරයි. [32]

93 වන සතිය : 2021 දෙසැම්බර් 20 සිට 26 දක්වා

සිගරට් සහ ඒවායේ නිෂ්පාදන ක්‍රියාවලිය ගෝලීය උණුසුම ඇතුළු පරිසරයට අහිතකර ලෙස බලපාන බවත්, ඒ අනුව මිනිස් සෞඛ්‍යයට අහිතකර ලෙස බලපාන බවට සාක්ෂි රාශියක් මගින් හෙළිදරව් කර ඇත.
  • ආර්ථික කලාප අධිකාරිය (PEZA) විසින් පවත්වන PEZA වාර්ෂික සම්මාන උළෙලේ දී JTI හි නිෂ්පාදන අංශය වන JTI ආසියා නිෂ්පාදන සංස්ථාව (JTI-AMC) විශිෂ්ට සේවා යෝජක සම්මානයෙන් පිදුම් ලැබීය. “වැඩිම රැකියා සංඛ්‍යාවක් උත්පාදනය කළ, සිය කම්කරුවන්ගේ සුබසාධනය සඳහා ඉහළ සැලකිල්ලක් දක්වන සහ ශ්‍රමිකයන් සහ කළමනාකාරිත්වය අතර සමගිය පවත්වාගෙන යන පුද්ගලයෙකුට” මෙම සම්මානය පිරිනමන බවට වාර්තා වේ. මීට පෙර, JTI-AMC විශිෂ්ට ප්‍රජා ව්‍යාපෘති සම්මානයෙන් පිදුම් ලබා ඇත. මාධ්‍ය විසින් වාර්තා කරන ලද පරිදි, COVID-19 වසංගතය තුළ රැකියා උත්පාදනය සහ CSR ක්‍රියාකාරකම් සඳහා වන දායකත්වය ප්‍රකාශ කරමින් PEZA හි අධ්‍යක්ෂ ජනරාල් විසින් JTI ඇගයීමට ලක් කරන ලදී.[35]
මහජන සෞඛ්‍යය පිළිබඳ මූලික ගැටුමක් ඇති වන බැවින් දුම්කොළ කර්මාන්තය සමඟ කිසිදු හවුල්කාරිත්වයක් නොපවත්වන ලෙස දුම්කොළ පාලනය පිළිබඳ නීතිමය රාමුවේ (FCTC) 5.3 වන වගන්තිය මගින් රජයන්ට නිර්දේශ කරයි. දුම්කොළ පාලන ක්‍රියාමාර්ග සහ ප්‍රතිපත්තිවලට මැදිහත් වීමට සහ ඔවුන්ගේ ප්‍රතිරූපය සහ කීර්තිය වර්ධනය සඳහා ආයතනික සමාජ වගකීම් (CSR) ක්‍රියාකාරකම්වලට සම්බන්ධ වීම සඳහා දුම්කොළ සමාගම් ප්‍රසිද්ධය.
  • මුලික ලැයිස්තුගත කිරීමේ නිර්ණායක තහවුරු කිරීමෙන් පසුව සමාගම ටෝකියෝ කොටස් වෙළඳපොලේ 'ප්‍රයිම් මාර්කට්' අංශය සඳහා අයදුම් කිරීමට තීරණය කර ඇති බව ජැපෑන් ටුබැකෝ ඉන්ටර්නැෂනල් (JTI) නිවේදනය කළේය. "විශේෂ අමතර නිර්ණායක සපුරාලන නිල වෙළඳපොළට ඇතුළත් කර ඇති කොටස්" ප්‍රයිම් මාර්කට් අංශයට අයත් වේ. අවම වශයෙන් කොටස් හිමියන් 800 ක්, අලෙවි කළ හැකි කොටස් ඒකක 20,000 ක් සහ ජපාන යෙන් බිලියන 10 ක වෙළඳපල ප්‍රාග්ධන කොටස් ප්‍රයිම් මාර්කට් අංශයේ සුදුසුකම් සඳහා වන මූලික අවශ්‍යතාවලින් කීපයක් වේ.[36]
  • කොරියාවේ බ්‍රිතාන්‍ය ඇමරිකානු දුම්කොළ සමාගම (BAT) අනුබද්ධිත රෝත්මන්ස්, BAT හි නවතම උණුසුම් කරන දුම්කොළ නිෂ්පාදනය වන ග්ලෝ හි පාවිච්චි කරන ලද උපකරණ එකතු කිරීමේ ව්‍යාපාරයක් ආරම්භ කළේය. ආපසු ලබා දෙන සෑම ග්ලෝ ප්‍රෝ ස්ලිම් උපාංගයක් සඳහාම වොන් 2,000 ක වට්ටම් කූපනයක් පරිශීලකයින්ට පිරිනමනු ලැබේ.

මෙම උපකරණ එකතු කිරීම සඳහා බඳුන් 50 ක් තබා ඇති අතර තවත් ඒවා නගරවල ඇති පාරිභෝගික භාණ්ඩ වෙළඳසැල්වල තැන්පත් කරන බවට මාධ්‍ය වාර්තා කළේය. කොරියාවේ දුම්කොළ කම්හලක සූර්ය බලශක්තිය භාවිතය, කර්මාන්තශාලාවල අඩු ජල පරිභෝජනය සහ පරිසර හිතකාමී ද්‍රව්‍ය මගින් ප්ලාස්ටික් ඇසුරුම් ප්‍රතිස්ථාපනය කිරීම යනාදිය ඉස්මතු කරමින් "පරිසර හිතකාමී" වීමට BAT විසින් ගෙන ඇති අනෙකුත් පියවරයන් මාධ්‍ය වැඩිදුරටත් වාර්තා කළේය (රූපය 3).[37]

රූපය 3: BAT රෝත්මන්ස් විසින් භාවිතා කළ ග්ලෝ උපාංග එකතු කිරීම මාධ්‍ය වාර්තා කිරීම.[37]
  • එක්සත් ජනපදයේ ආහාර සහ ඖෂධ පරිපාලනය (FDA) විසින් එක්සත් ජනපදයේ පිහිටි ශාක ජෛව තාක්‍ෂණ සමාගමක් වන 22nd සෙන්චරි ගෘප් වෙත VLN කින්ග් සහ VLN මෙන්තොල් යන ඔවුන්ගේ වෙළඳ නාම දෙක අලෙවි කිරීම සඳහා අනුමැතිය ලබා දෙන ලදී. " ඇබ්බැහි වූ වැඩිහිටි දුම් පානය කරන්නන්ට අධික ලෙස ඇබ්බැහි වන දහනය කරන සිගරට් වලින් ඉවත් වීමට ඔවුන්ට උපකාර කළ හැකි බව මෙම නිෂ්පාදන පෙන්නුම් කරයි" යනුවෙන් එය සාධාරණීකරණය කරමින් "නවීකරණය කරන ලද අඩු අවදානම් දුම්කොළ නිෂ්පාදන" සඳහා අනුමැතිය ලබා දෙන ලදී. 22nd සෙන්චරි ගෘප් විසින් ‘ස්පෙක්ට්‍රුම් -Spectrum’ සන්නාමය යටතේ රජය අරමුදල් සපයන විද්‍යාත්මක පර්යේෂණ සඳහා පමණක් භාවිතා කරන විවිධ නිකොටින් / කැනබිනොයිඩ් මට්ටම් සහිත සිගරට් නිෂ්පාදනය කරයි. VLN සන්නාම සඳහා පෙර වෙළඳපොළ දුම්කොළ නිෂ්පාදන අයදුම්පත (PMTA) අනුමැතියෙන් පසුව සමාගම විසින් 2020 දී නවීකරණය කරන ලද අඩු අවදානම් දුම්කොළ නිෂ්පාදන (MRTP) සඳහා අයදුම්පත ඉදිරිපත් කර ඇත.[38]
මහජන සෞඛ්‍යය පිළිබඳ මූලික ගැටුමක් ඇති වන බැවින් දුම්කොළ කර්මාන්තය සමඟ කිසිදු හවුල්කාරිත්වයක් නොපවත්වන ලෙස දුම්කොළ පාලනය පිළිබඳ නීතිමය රාමුවේ (FCTC) 5.3 වන වගන්තිය මගින් රජයන්ට නිර්දේශ කරයි. දුම්කොළ පාලන ක්‍රියාමාර්ග සහ ප්‍රතිපත්තිවලට මැදිහත් වීමට සහ ඔවුන්ගේ ප්‍රතිරූපය සහ කීර්තිය වර්ධනය සඳහා ආයතනික සමාජ වගකීම් (CSR) ක්‍රියාකාරකම්වලට සම්බන්ධ වීම සඳහා දුම්කොළ සමාගම් ප්‍රසිද්ධය.

94 වන සතිය : 2021 දෙසැම්බර් 27 සිට 2022 ජනවාරි 02 දක්වා

  • එක්සත් රාජධානියේ ජැපෑන් ටුබැකෝ ඉන්ටර්නැෂනල් (JTI) හි සාමාන්‍යාධිකාරී ඩීන් ගිල්ෆිලන් ප්‍රකාශ කළේ නිකොටින් මලු තුළ දුම්කොළ අඩංගු නොවන බැවින් එම වෙළඳාම සාමාන්‍ය නිෂ්පාදන ආරක්ෂණ රෙගුලාසි-2005 යටතේ පමණක් නියාමනය කරන බවයි. “කර්මාන්ත ප්‍රමිතීන්” අනුගමනය කිරීමට ඔවුන් එකඟ වූ බැවින් වයස අවුරුදු 18 ට අඩු බාල වයස්කරුවන්ට නිකොටින් මලු අලෙවි නොකරන බව ඔහු වැඩිදුරටත් ප්‍රකාශ කළේය. තවද, මෙම තත්ත්වය යටතේ බාලවයස්කරුවන් ඉලක්ක කර ගැනීම වැළැක්වීම සඳහා නිකොටින් මලු නියාමනය කිරීමේ නීති දඩුවම් සහිතව සංශෝධනය කරන ලෙස ඔහු රජයෙන් ඉල්ලා සිටියේය.[41][42]
දුම්පානය, ඇබ්බැහි වීම, මානසික අවපීඩනය, කාංසාව සහ භින්නෝන්මාදය ඇතුළු මානසික සෞඛ්‍ය ගැටලු ඇති කරන මානසික සෞඛ්‍යයට අහිතකර ලෙස බලපාන බව විද්‍යාත්මක සාක්ෂිවලින් සනාථ කර ඇත.
  • ලංකා දුම්කොළ සමාගමෙහි (CTC) නියාමන කටයුතු පිළිබඳ උපදේශක සහරා කාදර් 2021 සභාපති සම්මානයෙන් පිදුම් ලැබුවාය. “වසර තුළ සමාගමේ වර්ධනයට සහ සංවර්ධනය සඳහා වූ කැපී පෙනෙන පුද්ගලික දායකත්වය හඳුනා ගැනීමට” එය ප්‍රදානය කරන බවට වාර්තා වේ.[47]
  • මෝල්ටාවේ බ්‍රිතාන්‍ය ඇමරිකානු දුම්කොළ සමාගම (BAT) රාජ්‍ය නොවන සංවිධානයක් වන ACT සමඟ හවුල් වී මෝල්ටාවේ දේශීය ගස් වර්ග 140කට අධික ප්‍රමාණයක් සිටුවීමට කටයුතු කළේය. මෙම ක්‍රියාව ඔවුන්ගේ පාරිසරික, සමාජීය සහ පාලන (ESG) උපාය මාර්ගයේ කොටසක් බවට වාර්තා වේ (රූපය 4). [48]
දුම්කොළ වගාව සහ දුම්වැටි නිෂ්පාදන ක්‍රියාවලිය වන විනාශය, ජල දූෂණය, ගෝලීය උණුසුම ඇතුළු පරිසරයට අහිතකර ලෙස බලපාන බව සහ ඒ අනුව මිනිස් සෞඛ්‍යයට අහිතකර ලෙස බලපාන බවට සාක්ෂි රාශියක් මගින් අනාවරණය කර තිබේ.
රූපය 4: මෝල්ටාවේ ගස් සිටුවීමට ACT සමඟ BAT හවුල් වූ බවට වාර්තා කරන මාධ්‍ය.[48]
  • යුක්රේනයේ ඕනෑම වෙළඳ නාමයක ඉලෙක්ට්‍රොනික නිකොටින් උපාංග ප්‍රතිචක්‍රීකරණය කිරීමේ ව්‍යාපෘතියක් පිලිප් මොරිස් ඉන්ටර්නැෂනල් (PMI) නිවේදනය කළේය. එය හංගේරියාව පදනම් කරගත් ඉලෙක්ට්‍රොනික උපාංග (පාරිභෝගික, සෞඛ්‍ය සහ කාර්මික උපාංග) නිෂ්පාදකයෙකු සහ ඉලෙක්ට්‍රොනික සේවා සපයන්නෙකු වන ෆ්ලෙක්ස්ට්‍රොනික් ඉන්ටර්නැෂනල් හි හවුල්කාරිත්වය සමඟ ය. PMI විසින් "2025 වන විට ඔවුන්ගේ නිෂ්පාදනවලින් දුම් රහිත උපාංග 100%ක් ප්‍රතිචක්‍රීකරණය කිරීම සහ ප්ලාස්ටික් අපද්‍රව්‍ය 50%කින් අඩු කිරීම" අරමුණු කර ඇති බව වැඩිදුරටත් වාර්තා වේ.[49]
ඉලෙක්ට්‍රොනික උපාංග මගින් ප්ලාස්ටික්, ඊයම් සහ රසදිය වැනි බැර ලෝහ සහ අනෙකුත් විෂ ද්‍රව්‍ය ජල මාර්ග, පස සහ සාගර ජීවීන් තුළ එකතු වීම ඇතුළුව අහිතකර පාරිසරික බලපෑම් රාශියක් ඇති කරයි. තවද, විද්‍යුත් අපද්‍රව්‍ය තාපයට නිරාවරණය වීමෙන් වායුගෝලයට හානි කරන විෂ රසායනික ද්‍රව්‍ය නිකුත් කරයි.
පර්යේෂන කණ්ඩායම් සහ සමාගම්, දුම්කොළ කර්මාන්තයේ අවශ්‍යතා වෙනුවෙන් වාර්තා උත්පාදනය කිරීමට භාවිතා කිරීම ඔවුන්ගේ පොදු උපක්‍රමයකි.
  • පිලිප් මොරිස් ෆෝචූන් ටුබැකෝ කොර්පරේෂන් (PMFTC) විසින් 2021 සහ 2020 වසරවලදී නීතිවිරෝධී සිගරට් වෙළඳපොලේ 8.6% සහ 5.5% කින් ඉහළ යාමක් ඇස්තමේන්තු කර ඇත. PMFTC යනු ෆෝචූන් දුම්කොළ සමාගම (FTC) සහ පිලිපීනයේ පිලිප් මොරිස් ඉන්ටර්නැෂනල් (PMI) අතර වන හවුල් ව්‍යාපාරයකි.[51]
මෙය දුම්කොළ සමාගම් විසින් ඔවුන්ගේ අඩු විකුණුම් පරිමාව සාධාරණීකරණය කිරීම සහ දුම්කොළ බදු වැඩිවීම මග හැරීම සඳහා කරන ලද පොදු ප්‍රකාශයකි. දුම්කොළ සමාගම් ලෝකයේ බොහෝ රටවල නීති විරෝධී වෙළඳාම සම්බන්ධ වීම මනාව දන්නා කරුණකි. වැඩි විස්තර සඳහා කරුණාකර බදු පැහැර හැරීමට දුම්කොළ කර්මාන්ත උපක්‍රම සහ ලංකා දුම්කොළ සමාගම විසින් තම කොටස් හිමියන් නොමඟ යැවීම: නීති විරෝධී සිගරට් පිළිබඳ ගැටළුව යන පිටුවලට පිවිසෙන්න.
  • ඉන්දියාවේ ITC ලිමිටඩ් හි කඩදාසි පුවරු සහ විශේෂ පත්‍රිකා අංශය (PSPD), ඉන්වෙස්ට් ඉන්ඩියා- Invest India සමඟ හවුල් වී ‘ITC තිරසාර නවෝත්පාදන අභියෝගය’ හඳුන්වා දුන්නේය. එය ‘තිරසාර ඇසුරුම්කරණය සහ නිවැරදි අපද්‍රව්‍ය කළමනාකරණ විසඳුම් පිළිබඳ නව්‍ය ආරම්භක අදහස් සඳහා සහාය වනු ඇතැයි’ වාර්තා වේ. ඔවුන්ගේ වෙබ් අඩවියේ දක්වා ඇති පරිදි ඉන්වෙස්ට් ඉන්ඩියා යනු රජය සතු “ඉන්දියාවේ ආයෝජන අවස්ථා සහ විකල්පයන් සොයන ආයෝජකයින්ට ජාතික ආයෝජන ප්‍රවර්ධන සහ පහසුකම් සලසන නියෝජිතායතනය” වේ. PSPD යනු ඉන්දියාවේ ප්‍රධාන දුම්කොළ නිෂ්පාදන සමාගම වන ඉන්දියාවේ ITC ලිමිටඩ් හි ප්‍රධාන ව්‍යාපාර වලින් එකකි.[53]
මහජන සෞඛ්‍යය පිළිබඳ මූලික ගැටුමක් ඇති වන බැවින් දුම්කොළ කර්මාන්තය සමඟ කිසිදු හවුල්කාරිත්වයක් නොපවත්වන ලෙස දුම්කොළ පාලනය පිළිබඳ නීතිමය රාමුවේ (FCTC) 5.3 වන වගන්තිය මගින් රජයන්ට නිර්දේශ කරයි.
  • ඉන්දියානු රුපියල් කෝටි 76ක් (ආසන්න වශයෙන් USD මිලියනයක්) වටිනා පළමු පිටත සූර්ය බලාගාරය ඉන්දියාවේ ITC ලිමිටඩ් විසින් තමිල්නාඩුවේ පිහිටුවන ලදී. මෙම බලාගාරය CO2 විමෝචනය අවම කිරීමට විසඳුමක් වනු ඇති බවට වාර්තා වන අතර ITC විසින් ‘Sustainability 2.0’ ව්‍යාපෘතිය යටතේ 2030 වන විට පුනර්ජනනීය ප්‍රභවයන්ගෙන් 100% බලශක්ති අවශ්‍යතාවය සපුරාලීමට බලාපොරොත්තු වේ. ඉන්දියාවේ ITC ලිමිටඩ් යනු ඉන්දියාවේ තමිල්නාඩු හි පිහිටා ඇති ප්‍රධාන දුම්කොළ සමාගම වන අතර ඔවුන්ගේ ව්‍යාපාර වෙනත් ව්‍යාපාරවලට විවිධාංගීකරණය කර ඇත. [54]

TobaccoUnmasked සම්පත්

වෙනත් අදාළ TobaccoUnmasked පිටු

මූලාශ්‍ර

  1. ↑ H Hammond. PMI Must Stop IQOS Sales in U.S., 30 November 2021, accessed January 2022
  2. ↑ D Janu. commends BATN investment, 5 December 2021, accessed January 2022
  3. ↑ P. Okafor. yearly export from Nigeria to 14 Africa countries hit $110mn, 2 December 2021, accessed January 2022
  4. ↑ Business Line. chief Sanjiv Puri is ‘Impact Person of the Year 2020’, 2 December 2021, accessed January 2022
  5. ↑ B Pulta. wins P2.7-B tax case vs. cigarette firm, 3 December 2021, accessed January 2022
  6. ↑ H Pope. Kong Seizes 27 Million Suspected Illicit Cigarettes, 29 November 2021, accessed January 2022
  7. ↑ Pakistan Observer. Philip Morris (Pakistan) enhances efficiency through green energy, 30 November 2021, accessed January 2022
  8. ↑ 8.0 8.1 Daily FT. Tobacco gets first female MD/CEO, 2 December 2021, accessed January 2022
  9. ↑ Business wire. Morris International Inc. (PMI) Presents at the 2021 Morgan Stanley Virtual Global Consumer & Retail Conference, 1 December 2021, accessed January 2022
  10. ↑ O Singh. uncovers R40m worth of illegal tobacco and metal in Durban and Polokwane, 10 December 2021, accessed January 2022
  11. ↑ D Bright. maker Juul wants Marlboro County Schools lawsuit moved to federal court, 11 December 2021, accessed January 2022
  12. ↑ The Financial Express. companies incentivise 'designated smoking area' at restaurants, 12 December 2021, accessed January 2022
  13. ↑ The Business Standards. listed firms receive ICAB award for quality annual reports, 11 December 2021, accessed January 2022
  14. ↑ J Cronje. SA tobacco whistleblower wins top UK award, says home was petrol bombed when he spoke out, 9 December 2021, accessed January 2022
  15. ↑ D Slade. British American Tobacco says people are turning to its non-smoking products, 8 December 2021, accessed January 2022
  16. ↑ Business Wire. Philip Morris International Appoints Business Accelerator Dessi Temperley to its Board of Directors, 10 December 2021, accessed January 2022
  17. ↑ Leadership. PMI Urges Adult Smokers To Switch To Smoke-free Products, December 2021, accessed January 2022
  18. ↑ Business Wire. Philip Morris International Receives Second Consecutive “Triple A” Rating from CDP, 7 December 2021, accessed January 2022
  19. ↑ PR Newswire. JT Group Recognized on CDP's "Climate Change A List" and "Water Security A List" for the 3rd Consecutive Year, 7 December 2021, accessed January 2022
  20. ↑ Business wire. Altria Once Again Achieved a Double 'A' Rating in Climate and Water Protection, 7 December 2021, accessed January 2022
  21. ↑ United News of India. CII and ITC Hotels join hands with EHL group to offer Swiss Professional Diploma in Hospitality, 8 December 2021, accessed January 2022
  22. ↑ H Hammond. Marlboro Pack Price Goes Up 15 Cents, 14 December 2021, accessed January 2022
  23. ↑ The Korea Bizwire. Cigarette Sales Rise as Pandemic Takes Toll on Everyday Life, 13 December 2021, accessed January 2022
  24. ↑ S E Jackson et al. Association of the COVID‐19 lockdown with smoking, drinking and attempts to quit in England: an analysis of 2019–20 data, 26 November 2020 accessed January 2022
  25. ↑ J Edwards. Juul, Altria Reach $90M Settlement With Investors Over Alleged Marketing to Teens, 14 December 2021, accessed January 2022
  26. ↑ Market Screener. Japan Tobacco : Top-line Results of Phase 3 Clinical Study of JTE-052 Ointment, JAK Inhibitor, in Infant Patients with Atopic Dermatitis in Japan, 14 December 2021, accessed January 2022
  27. ↑ M Chikoti. Govt signs MoU with JTI Leaf Malawi, 14 December 2021, accessed January 2022
  28. ↑ Market Screener. Philip Morris International Releases 10-Year Anniversary Report on Agricultural Labor Practices, 13 December 2021, accessed January 2022
  29. ↑ R Perry. Healthier Choices Management Corp (OTCMKTS: HCMC) Announces That the Court Has Dismissed its Case Against Philip Morris International Inc. (NYSE: PM), 15 December 2021, accessed January 2022
  30. ↑ KS Li. Morris Malaysia hopes to regain momentum as Covid-19 restrictions ease, 15 December 202, accessed January 2022
  31. ↑ This Day. Wins Consumer Goods Category At CIO Awards, 16 December 2021, accessed January 2022
  32. ↑ 32.0 32.1 J Jacobs. Vapor’s stores go up in smoke amid haze of FDA red tape, 17 December 2021, accessed January 2022
  33. ↑ K Min-jee. heat-not-burn tobacco 'lil' enters 22 countries, 20 December 2021, accessed January 2022
  34. ↑ Market Screener. American Tobacco : BAT's Vuse wins prestigious SEAL Sustainable Product Award, 21 December 2021, accessed January 2022
  35. ↑ Business Mirror. bags award for Batangas factory, 24 December 2021, accessed January 2022
  36. ↑ Market Screener. Tobacco: JT to Apply to be Listed in the New “Prime Market” Segment of the Tokyo Stock Exchange, 21 December 2021, accessed January 2022
  37. ↑ 37.0 37.1 K Jae-eun. throw away Glo devices, return them, says BAT Rothmans, 22 December 2021, accessed January 2022
  38. ↑ T Kary. Century Wins FDA Nod to Promote Low-Nicotine Cigarettes, 23 December 2021, accessed January 2022
  39. ↑ News Day. Morris: New cigarettes health warning from January, 23 December 2021, accessed January 2022
  40. ↑ dijiworld.com receives ICSI CSR Excellence Award for its large-scale and impactful CSR initiatives, 21 December 2021, accessed January 2022
  41. ↑ P Nalat. Tobacco boss calls for law change after super-strength nicotine pouches are advertised to children., 1 January 2022, accessed January 2021
  42. ↑ Miamiheatnation.com Super-Strength Nicotine Pouches Advertised To Children – Tobacco Boss Calls For Law Change, 1 January 2022, accessed February 2022
  43. ↑ Yahoo Finance. Biosciences Advances Innovative Water-Soluble Cannabinoid Technology, Delivering Key Milestones in Series A Financing and Appoints Dr. Hanny Kanafani as Vice President, 30 December 2021, accessed January 2022
  44. ↑ Yahoo Finance. 27 Singaporean Companies Named HR Asia Best Companies to Work for in Asia 2021, 30 December 2021, accessed January 2022
  45. ↑ UM Jui. Corporate houses wake up to mental health, 27 December 2021, accessed January 2022
  46. ↑ M U Babu. Frontier Capital stands firm on Bangladesh equities, 28 December 2021, accessed January 2022
  47. ↑ Sunday Observer. bags CTC Chairman’s Award, 2 January 2022, accessed January 2022
  48. ↑ 48.0 48.1 Times Malta. Malta plants over 140 trees in Mellieħa together with ACT, 27 December 2021, accessed January 2022
  49. ↑ Ukraine Open for Business. Morris Starts Electronic Recycling, 29 December 2021, accessed January 2022
  50. ↑ A Ogle Inclusion: A Conversation with Silke Muenster and Alexander Fleischmann, 28 December 2021, accessed January 2022
  51. ↑ B O de Vera. starts with tax, price hikes on cigarettes, alcohol, 2 January 2022, accessed January 2022
  52. ↑ Press Trust of India. maker Godfrey Phillips appoints Sharad Aggarwal as CEO, 28 December 2021, accessed January 2022
  53. ↑ The Hindu. unveils Sustainability Innovation Challenge, 30 December 2021, accessed January 2022
  54. ↑ The Hans India. commissions first offsite solar plant, 29 December 2021, accessed January 2022
Retrieved from "https://www.tobaccounmasked.com//sinhala/index.php?title=COVID-19_වසංගතය_තුළ_ගෝලීයව_වාර්තා_වූ_දුම්කොළ_කර්මාන්තයේ_බලපෑම්_-_2021_දෙසැම්බර්&oldid=1826"